25 Fevral, 12:00 | Baxılıb : 195
Avto dünya

Tanış olun: Dodge Charger Daytona – FOTO

Mahiyyət etibarı ilə söhbət 5,7 litr həcmə və 370 at gücünə malik V8 Hemi mühərriki ilə təchiz olunmuş R/T və R/T Road&Track variantları üçün nəzərdə tutulan ayrıca tüninq paketindən gedir.

Daytona modelinə gəlincə, o, əsasən hazırkı Dodge Charger versiyasının üslub dəyişikliyinə məruz qalmış modifikasiyasıdır. Onun özəllikləri arasında kapotdakı qara zolaqları, unikal spoyleri, \”vinil\” dam örtüyünü və alüminium xəlitəsindən hazırlanmış təkər disklərini qeyd etmək lazımdır.

Xüsusi Daytona seriyası qara çalarlı (Satin Black) radiator barmaqlığı və R/T nişanı, qara spoyler, kapotun və damın üzərində qara vinil təbəqə ilə seçilir. Avtomobilin eksteryerini beşmilli yüngül lehimli disklər və arxa hissədə \”Daytona\” yazısı tamamlayır.

Dodge Charger Daytona 2013-ün mühərrikinin standart gücü saxlanılıb, amma hərəkət keyfiyyətlərinin yaxşılaşdırılması üçün sedanın şassisi xeyli təkmilləşdirilib. Həmçinin 20 düymlük yüngül lehimli disklər, yenidən tənzimlənmiş asqı və sükan idarəetməsi də bu məqsədə xidmət edir. Bundan əlavə, avtomobilin dinamika keyfiyyətləri yaxşılaşdırılıb. İndi o dayanmış vəziyyətdən hərəkətə başlayarkən qısa müddətə kifayət qədər sürət yığa bilir. Mühərrikin yeni idarəetmə bloku sayəsində akseleratorun pedalının sürücü tərəfindən basılmasına avtomobil daha cəld reaksiya verir.

Yeni Dodge Charger Daytona-nın interyerinə gəlincə, tuneldə və cihazlar panelində tutqun tünd rəngli alüminium materialı və Mopar idman oturacaqları (onların üzərində tikişlə loqotip həkk olunub), habelə pedalların üzərində idmansayağı üstlüklər peyda olub.

Əgər avtomobilin reaksiyası alıcının xoşuna gəlməsə, o, sürət pillələrini əllə dəyişə bilər. Belə ki, Dodge Charger Daytona-nın sükanının altında beşpilləli avtomat sürət qutusunda sürət pillələrini əllə dəyişməyə imkan verən düymələr nəzərdə tutulub. Okeanın o tayında bu cür modelləri imic elementləri olmadan təsəvvür etmək çətindir. Daytona top-modifikasiyası bu baxımdan istisna təşkil etmir. Belə ki, avtomobil üçün orijinal rənglər, habelə kuzov üçün vinil elementlər hazırlanıb, həmçinin interyer xüsusi üslubda işlənib.

Daytona paketini Charger R/T modifikasiyası üçün 2995 dollar, Charger R/T Road&Track modifikasiyası üçün isə 2500 dollar əlavə ödəniş müqabilində əldə etmək olar.
Sedan alıcılara ağ, göy, gümüşü və qara rəngdə təklif olunur.

Tanış olun: Dodge Charger Daytona - FOTO
Tanış olun: Dodge Charger Daytona - FOTO
Tanış olun: Dodge Charger Daytona - FOTO
Tanış olun: Dodge Charger Daytona - FOTO