10 Dekabr, 10:44 | Baxılıb : 583
Şəkillər

Anar Baylar: “çəkiliş müddətində 75 km-dən çox məsafəni piyada qət etdik” – Şəkillər

Gənc müğənni Anar Baylar yeni klipinin çəkimlərini yekunlaşdırıb. Daha öncədə məlumat verdiyimiz kimi ifaçı yeni klipinin çəkilişlərini Rusiyada, Sankt-Peterburq şəhərində reallaşdırmışdır. İfaçının Mid.az saytına verdiyi eksklüziv məlumatda;

“Çəkiliş meydançaları olduqca diqqətli seçilmişdi və tarixi məkanlara üstünlük vermişdik. Ümumi çəkiliş müddətində hərəkət istiqamətimiz boyu 75 km-dən çox məsafəni piyada olaraq qət etdik. Bu isə soyuq havada əlavə güc tələb eliyirdi və komandamız olaraq biz çəkilişləri istədiyimiz kimi yekunlaşdıra bildik. Rejissor Xalid Zeynalovla daha öncəki iki klipdə də birlikdə fəaliyyət göstərmişdik və onunla işbirliyimiz olduqca ürəkaçandır. Klip hazırda montaj prosesindədir, tezliklə yayıma verməyi planlaşdırırıq.” deyə bildirmişdir.

Xatırladaq ki, klip “Unutma” adlı mahnıya çəkilib, mahnının sözləri Sənan Qasımov, musiqisi isə ifaçının özünə məxsusdur.

Q. Sənan | Mid.az