12 İyun, 11:30 | Baxılıb : 1,661
Maraqlı

18 ay ürəksiz yaşadı

photo_71264

Amerika Birləşmiş Ştatlarında yeni texnoloji sınaq uğurla başa çatıb. Bununla ürək köçürülməsi üçün növbədə dayanan şəxslərin uzun müddət bu orqansız yaşaya bilməsi mümkün olacaq. Miçiqan ştatından olan 25 yaşlı Sten Larkin yeni texnoloji vasitəsinin hesabına düz 17 ay ürəksiz yaşaya bilib. Bu müddət ərzində onun ürək funksiyalarını çantasındakı aparat yerinə yetirib.

Larkinə və onun böyük qardaşına hələ 10 il əvvəl “ailə kardiomiopatiyası” diaqnozu qoyulub. Bu, irsi miokard xəstəliyidir. Bu insanlarda ürək 10-20 yaşlarından başlayaraq, dayanmağa başlayır. Ona görə də  2014-cü ilin dekabrında Larkinin ürəyi çıxarılıb və əvəzinə süni orqan qoyulub. Bu cihazın 6 kq ağırlığı var və orqanizmə qan ötürülməsi funksiyasını yerinə yetirir.

Bütün kliniki sınaqlardan uğurla keçən bu cihaz ürəyi tam dayanmış şəxslər üçün nəzərdə tutulub. Aparat, bel çantasında daşınır. Cihaz, qanın orqanizmə ötürülməsi üçün ilk daşınan enerji mənbəyidir və bu o deməkdir ki, ürək qüsurlu xəstələrin çarpayılara məhkum olması dövrü arxada qalır. Əvvəllər isə süni ürəkli pasientlər 100-lərlə kq ağırlığı olan stasionar avadanlıqlara qoşulurdu.

ATV.AZ