08 Mart, 01:18 | Baxılıb : 27
Maraqlı

Dənizim…

Dənizim...


Dənizim … Yenə gəldim …
Yenə həyat dalğaları məni itələyə-itələyə yanına gətirdi …Artıq inandım bu dünyadakı son ünvanımın sən olduğuna …
Hər gəlişimdə – bəlkə də bu sondu – deyişimi xatırlayıram …
Amma,kim bilir …bəlkə də bu sondu …Bəlkə də,bu sözümü xatırlamayacam bir də …Bəlkə bu dəfə qucaqlaya bildim səni …Bəlkə bu dəfə öpə bildim yanaqlarınnan …
Ehh …dənizim mənim …
İndi elə bil,bu dünyada başqa heç kim yoxdu …Bir tək sən və mən …telefonumda da Yorğun Dərviş sənnən oxuyur…O da mənim kimi – bir az yorğun,bir az kövrək …bəlkə də bir az çarəsiz…Əslində nə o ilk idi,nə mən son …
Biz bəlkə də,sahilində olan bir qum dənəsi,bir qaya parçası …bəlkə də ləpələrin qayalara çırpılanda bir anlıq var olan köpük kimi kiçik və mənasızıq sənin üçün …Amma sən …sən fərqlisən …

Bəlkə,insanları yanlış tanımağımnan danışım sənə ?Doğma bildiyim insanların bir anda necə yadlaşdığından ,hələ də gülümsəyüb rol oynamağımdan ,sadəcə – artıq heç nə əvvəlki kimi olmayacaq – deyə bilməməyimdən danışım ?
Qışqırım bəlkə,-sən belə deyildin axı dostum ?

Noldu sənə ? Niyə dəyişdin ?Niyə soyuqsan,buz kimi ? Amma sus,cavab vermə …Səbəblərin bəhanə olduğu bu zamanda doğrunu desən belə,inanacağımı düşünmürəm … Sus …………….
Bir az da qəribəlikdən danışım ?… Başa düşmədiyim insandan …İncidə biləcəyimi düşündüyüm,və bundan çox qorxduğum tək insandan danışım ?Ehh,dənizim mənim ….heç bilirsən o necə fərqlidi ?O sadəcə bir gün öz nöqtəsini tapmaq üçün doğulub elə bil …
Sonra nədən danışım?Uzaqdakı dostumdan,darıxdığımdan,onu itirməkdən qorxduğumdan da danışım sənə ?

Hər şeyi danışım ? Axı niyə ? Niyə dinləyirsən axı bizi ? Bəs niyə susursan ?Niyə heç nə demirsən ? Bəs hanı təsəllini səndə axtaran onca insan ? Hanı qucağına axıdılan göz yaşları ? Hanı o sözlər ? Unutdunmu yoxsa ? ….Susursan yenə …
Dənizim mənim … İnsanlar toxunsun istəmirəm …varlığımı,real olduğumu anlasınlar istəmirəm…Sən toxun … Al götür məni buralardan …Gəl gedək de,mənə … gedək buralardan …Apar sehirli,sualtı dünyana…Oğurla məni insanlardan …