"Turan Tovuz" və "Barselona" klubları arasında müqavilə

MP3

Ramal Israfilov 3 new mp3
Ramal İsrafilov ifasında 3 yeni mahnı "Nə Bağ Bildi" , "Qəşəng Qəşəng" + Bonus "Dön Geri Gəl"
Xəbərə keç
Xəbərlər

Eurovision 2012 - Natiq Ritm Qrupu'nun əsrarəngiz səhnə quruluşu
Natiq Ritm Qrupu'nun əsrarəngiz səhnə quruluşu
Xəbərə keç
Xəbərlər

Eurovision 2012'in 1ci yarımfinalının nəticələri məlum oldu - Siyahı
Eurovision 10 finalçısı məlum oldu..
Xəbərə keç
MP3

Anar Bəylər - Oyansın Xəritələr / Official Video + Mp3
Azərbaycan'lı ifaçının klipinin premyerası ello TV-də!
Xəbərə keç
Xəbərlər

"Eurovision 2012" səhnəsinə qədim Qavaldaşı gətirilib
Bu gün müsabiqənin ilk yarımfinalında nümayiş olunacaq interval aktının məşqi keçirilib..
Xəbərə keç

prev next

Forumda ən son

Foruma daxil ol

"Turan Tovuz" və "Barselona" klubları arasında müqavilə

Bölmə:Xəbərlər, İdman

Müəllif: Senan | Tarix: 2 Noyabr 2011 | Baxış sayı: (1178)

"Turan Tovuz" və "Barselona" klubları arasında müqavilə

İspaniyanin Barselona şəhərində yerləşən və “Barselona” futbol klubu ilə sıx əlaqədə fəaliyyət göstərən Xristo Stoiçkovun akademiyasının texniki direktoru Antonio Sançes Munos və Loze Luis Villar “Turan” Uşaq Futbol Məktəbində seleksiya işləri apararaq məktəbin perspektivli oyunçularından həmin akademiyada təlim keçəcək 11 nəfər futbolçu seçiblər. Seçmələrdən uğurla keçən 11 nəfər futbolçu ilə məşq keçən qonaqlar onların müxtəlif taktiki gedişləri necə qavramağını, texniki bacarıqlarını və fiziki dözümlülüklərinı yoxlayıblar. Qeyd edək ki, gənc futbolçular İspaniyaya iki il müddətinə yollanacaqlar.
İspaniyanın Barselona şəhərinə yollanacaq 11 nəfər gənc futbolçu aşağıdakılardır:

Yaşar Quliyev (1998 / qapıçı)
Nəriman Hüseynov (1998 / müdafiəçi)
Ömər İsgəndərov (1996 / müdafiəçi)
Afin Bağırov (1996 / müdafiəçi)
Şahin Quluzadə (1998 / yarımmüdafiəçi)
Pərvin Əliyev (1998 / yarımmüdafiəçi)
Cavid Qasımov (1996 / yarımmüdafiəçi)
Emin Mirzəliyev (1996 / yarımmüdafiəçi)
Budaq Nəsirov (1996 / yarımmüdafiəçi)
Emin Yusifli (1998 / hücumçu)
Məharət Əhmədov (1996 / hücumçu)

Seçilmiş futbolçuların valideynləri ilə görüşən Antonio Sançes Munos və Loze Luis Villar İspaniyaya yollanmazdan əvvəl mətbuat nümayəndələri ilə görüşdülər.

“Futbolumuzda irəliləyiş olsa da, komandaların oyunu xoşuma gəlmir. Bizim futbolçular 16-17 yaşa kimi yaxşı gəlirlər, sonra bunun davamı gəlmir. Ona görə də uşaqları İspaniyaya yollamaq qərarına gəldik ki, onlar gedib Dünya futbolunda sözünü demiş komandalarında futbolu mənimsəsələr uğur əldə edə bilərik”. Bu fikirləri “Turan” futbol klubunun prezidenti Musa Süleymanov mətbuat nümayəndələrinin diqqətinə çatdırdı. M. Süleymanov həddi-buluğa çatmamış uşaqları xaricə göndərməkdə müəyyən çətinliklərin olduğunu qeyd etdi: “Ümid edirik ki, bu məsələdə AFFA bizə yardım göstərəcək. Legionerlərə pul xərcləməkdənsə, bacarıqlı uşaqlarımıza pul xərcləsək, futbolumuz daha çox inkişaf edər. Biz istəyirik ki, öz futbolçularımız yetişsin, Azərbaycan futbolu inkişaf etsin. “Neftçi”, “Xəzər Lənkəran” kimi komanda saxlamağa mənim gücüm çatmır. Ancaq mən başqa şey etmək istəyirəm. Tovuzda çox bacarıqlı, potensiallı uşaqlar var. Bu uşaqları peşəkar futbolçu kimi yetişdirmək lazımdır ki, Azərbaycan futbolu da inkişaf etsin”.

Daha sonra çıxış edən Xristo Stoiçkovun akademiyasının texniki direktoru Antonio Sançes Munos “Turan”da potensiallı oyunçuların olduğunu bildirdi: “Onların yaxşı gələcəyi ola bilər. Musa bəyin bu uşaqları xarici ölkəyə göndərməsi Azərbaycan futbolunun inkişafı ilə yanaşı, həmin uşaqların şəxsi həyatlarına da müsbət mənada təsir edəcək. Futbolun gələcəyi uşaqların ayaqlarındadır. Biz uşaqların fiziki cəhətdən güclü, hündürboy, bəstəboy olmasına önəm vermirik. Əsas odur ki, futbolçu ağılla oynasın. Seçdiyimiz 11 nəfər potensiallı futbolçulardır. Ümumiyyətlə Tovuzda bacarıqlı oyunçuların olduğunu müşahidə etdik”.

Azərbaycanda “Barselona” futbol məktəbinin ilk toxumları olmaqdan fəxr etdiklərini söyləyən Loze Luis Villar Xristo Stoiçkovun akademiyasının tarixindən danışdı: “1973-cü ildə Luiz Loriano Barselona futbol sistemini yaradıb və həmin vaxtdan inkişaf etməkdə davam edir. Loriano futbolçunun fiziki göstəricilərinə deyil, ağılla oynamasına üstünlük verirdi. Akademiyamızın əsas məqsədi Barselona futbol sistemini gələcək nəsillərə ötürməkdir. Futbolun Azərbaycanda yaxşı gələcəyi var. Seçdiyimiz 11 futbolçuya birgə oyundan əlavə fərdi olaraq 500 saat dərslər də keçiriləcək. Bu da “Turan” klubu üçün fərqli yanaşmadır”.