10 Yanvar, 02:44 | Baxılıb : 723
Maqazin

Populyar müğənni Səbinədən yeni ecazkar klip “Yağ yağışım”

sebine-esgerova

Oxuduğu mahnılarla, çədirdiyi kliplərlə artıq səhnədə özünü təqdiqləyən populyar müğənni Səbinə bir daha sübut etdi ki, o hər kəsdən fərqli olaraq yalnız sənəti ilə məşğul olub, sevənlərinə daim yeniliklər təqdim edir. Belə ki, müğənni sevilən mahnısı “Yağ yağışım”-a klip çəkdirdi. Söz və musiqisi İsmayıl Əsədova məxsus olan mahnıya Anar Hüseynov ekran həyatı verib.

Yeni işi barədə saytımıza açıqlama verən ifaçının prodüseri Təranə Səmədova bildirib ki, uğurlu iş ərsəyə gətirilib: “Çoxları bilir ki, artıq Səbinə Əskərova ilə işbirliyi qurmuşam. Səbinə gənc olsa da, istedadlıdır. Yeniliklərə açıqdır. Yoxsa, onunla çalışmazdım. “Yağ, yağışım” mahnısının uğuruna inandığımız üçün klip çəkdirdik. Ekran işi istədiyimiz kimi də alındı. İnanıram ki, bundan sonrakı fəaliyyətimiz də uğurlu olacaq”.

 Səbinə Əsgərova isə klip çəkilişindən bəhs edib: “Klipin çəkilişində əməyi keçən hər kəsə təşəkkür edirəm. Rejissor Anar Hüseynovun əziyyəti böyükdür. Klip ürəyimcə oldu. Bəlkə də, kimlərsə düşünəcək ki, klip açıq-saçıqdır. Amma mən elə düşünmürəm. Sevgidən bəhs edən mahnıya belə romantik ab-havalı klip çəkilməli idi. Biz də bunu bacardıq. İnanıram ki, tamaşaçılar da bəyənəcək”