1 Aprel, 2009 tarixində yaratdığımız mid.az portalının sonuna gəldik.

Bu illər ərzində sizə minlərlə mahnı, milyonlarla "download" bəxş etdik. Kim bilir, neçə nəfər sevgilisinə bizim saytda tapdığı mahnını göndərib, neçə nəfər avtomobilində insanları yüksək səslə narahat edib, neçə nəfər isə səhərə kimi qulaqlıqla musiqiləri dinləyib…

O vaxtlar Spotify yox idi, Apple Music yox idi – mid.az vardı, siz vardınız, biz vardıq! İndi isə texnologiya inkişaf edib, musiqilər artıq hər kəsin cibində — Spotify-da, Apple Music-dədir. Biz də zamanla anladıq ki, musiqinin sərbəst paylaşılması sənətçilər üçün doğru deyil; hər bir ifaçı, hər bir bəstəkar öz əsərinə görə haqqını almağa layiqdir. İndi sevdiyiniz musiqiləri rəsmi platformalardan dinləməklə, sənətçilərimizin zəhmətinə və yaradıcılığına dəyər vermiş olursunuz.

Sizə bizimlə gülüb, ağlayıb, rəqs etdiyiniz üçün sonsuz təşəkkürlərimizi bildiririk!

Hər zaman musiqi ilə qalın. Xudahafiz.

Hörmətlə, Zülfüqar, Zamir və digər əməkdaşlarımız